Róbert Petersen reiðkennari verður með vinsælu frumtamningarnámskeiðin sín í Spretti í haust. Námskeiðið hefst mánudaginn 30.september 2024 og er fyrsti tíminn bóklegur tími á 2.hæð Samskipahallarinnar, þar sem allir hóparnir mæta á sama tíma kl.18:00.
Verklegir tímar hefjast svo þriðjudaginn 1.október og þá kemur hver þátttakandi með sitt trippi. Í boði verða tímasetningar kl.17-18, 18-19, 19-20 og 20-21.
Á námskeiðinu er farið í gegnum helstu þætti frumtamningar, s.s:
-Atferli hestsins
-Leiðtogahlutverk
-Fortamning á trippi
-Undirbúningur fyrir frumtamningu
-Frumtamning
Bóklegir tímar: 1
Verklegir tímar: 11
Tímar: 3x í viku – mánudagar, þriðjudagar og fimmtudagar í 4 vikur
Staðsetning: Samskipahöllin, rennan/anddyri og hólf 1
Verð: 68.000.-
Fjórir nemendur verða í hverjum hópi en hámarksfjöldi á námskeiðið er 12-16 þátttakendur (3-4 hópar).
Bóklegur tími verður sameiginlegur fyrir allan hópinn og verður haldinn kl.18 mánudaginn 30.september
á 2.hæð Samskipahallarinnar, allir hóparnir mæta á sama tíma í bóklegan tíma.
Verkleg kennsla verður í Samskipahöllinni, byrjað verður frammi í rennunni og svo færist
námskeiðið inn í reiðhöllina, hólf 1. Einnig eiga nemendur að fylgjast með öðrum og læra þannig á mismunandi hestgerðir og mismunandi aðferðir við for- og frumtamningu.
Námskeiðið er opið fyrir alla félaga í hestamannafélögum en Sprettsfélagar ganga fyrir. Skráning opnar fimmtudaginn 29.ágúst kl.12:00. Skráning fer fram á https://www.abler.io/shop/hfsprettur
Ef námskeiðið birtist ekki á síðunni kl.12, þá er best að slá inn nafn námskeiðsins efst í leitargluggann. Þá ætti það að birtast kl.12:00.
Allar nánari upplýsingar er hægt að fá hjá Þórdísi – [email protected]