Hið stórskemmtilega Metamót Spretts fer fram á Samskipavellinum 6.-8. september 2024.
Á mótinu verður boðið upp á opinn flokk og áhugamannaflokk.
Keppt verður í A- og B-flokki gæðinga á beinni braut (ekki sýnt fet og stökk).
Boðið verður uppá keppni í tölti T3 í 1.flokki og gæðingatölti í áhugamannaflokki.
Fyrirtækjatöltið verður á sínum stað.
Að sjálfsögðu verða skeiðkappreiðar að venju og keppt verður í 100m fljúgandi ljósaskeiði, 150m skeiði og 250m skeiði.
Aldurstakmark er í keppni á mótinu og miðast þátttökuréttur við ungmennaflokk.
Fyrirkomulag gæðingakeppni á Metamóti er þannig knapi ríður einn í braut og hefur tvær ferði (fram og til baka) til að sýna hægt tölt, bokk og greitt tölt eða tölt, brokk og skeið. Leyfilegt er að ríða með písk í A og B flokki á Metamóti.
Skráning fer fram í gegnum Sportfeng, skráning verður opin til og með mánudags 2.september.
Hlökkum til að sjá sem flesta á síðasta móti sumarsins.
Nefndin