Nú gröfum við upp keppnisskapið og keyrum okkur upp í að keppa á vetrar/vorleikum Spretts.
Einungis einir vetrarleikar fóru fram í vetur og því tvö mót eftir þannig að Mótanefndin
hefur ákveðið að halda þessa vetrar/vorleikana í maí.
Fyrstu leikarnir verða sunnudaginn 10. maí og þeir síðari verða auglýstir síðar.
Leikarnir verða haldnir úti og boðið uppá alla flokka eins og gengur og gerist á Vetrarleikum.
Allar reglur Almannavarna verða haldnar og 2ja metra reglan verður í gildi hvort sem er í upphitun,
á vellinum og meðal áhorfenda.
Polla- og barnaflokkarnir fara fram á hringvellinum. Í þeim flokkum munu foreldrar/ forráðamenn stilla
sér upp í kringum völlinn til öryggis og ef grípa þarf inní.
Stigakeppnin heldur áfram frá því sem frá var horfið.
Skráningin mun fara fram í síma og á netinu og verður auglýst síðar.
Takið daganna frá elsku Sprettarar og komum okkur í keppnisgírinn
Kveðja frá Mótanefndinni
