Skráning er hafin á hið eina sanna Kvennatölt Spretts, en mótið fer fram í Samskipahöllinni í Kópavogi laugardaginn 22. apríl nk.
Mótið er opið töltmót, ætlað konum 18 ára og eldri (miðað við ungmennaflokk) og boðið er upp á keppni í fjórum flokkum:
2. flokkur – í boði Vagna og þjónustu (fyrir knapa sem hafa nokkra keppnisreynslu)
3. flokkur – boði Pennans (fyrir knapa sem minna vanir og hafa litla keppnisreynslu)
4. flokkur – í boði Pixla (fyrir knapa sem eru byrjendur í keppni).
ATH!
– Hafi keppandi sigrað í einhverjum styrkleikaflokki kvennatöltsins áður skal viðkomandi færast upp um flokk.
– Hafi keppandi komist þrisvar í A-úrslit í einhverjum styrkleikaflokki kvennatöltsins áður skal viðkomandi færast upp um flokk.
Keppendur eru hvattir til að sýna metnað við val á keppnisflokki!
Í byrjendaflokki eru þrír keppendur saman í holli, riðið er samkvæmt reglum í T7 töltkeppni, sýnt er hægt tölt, snúið við og svo sýnt tölt á frjálsri ferð (fegurðartölt).
Í öllum öðrum flokkum eru 2-3 keppendur saman í holli, riðið samkvæmt reglum í T3 töltkeppni, sýnt hægt tölt, snúið við, tölt með hraðabreytingum og svo greitt tölt.
A og B úrslit í öllum flokkum.
Skráning fer fram á www.sportfengur.com undir Skráningarkerfi. Skráningargjald er kr. 5.000 og má skrá fleiri en einn hest til keppni, en komi knapi fleiri en einum hesti í úrslit skal hann velja einn hest til úrslitakeppni.
Skráning stendur yfir til og með 16. apríl og fara þær 50 fyrstu sem skrá í pott og geta unnið sér inn glaðning.
Athugið að aðeins er hægt að greiða fyrir skráningu með greiðslukortum, ekki er boðið upp á millifærslu.
Allar fyrirspurnir og athugasemdir er varða skráningu skal senda á netfangið sk******@sp********.is
Verðlaunin eru vegleg að venju, peningaverðlaun í 1. sæti í hverjum flokki og glæsileg verðlaun frá SIGN skartgripum, auk ýmissra aukaverðlauna. Þá verða valin glæsilegustu pörin í hverjum flokki og þar verða verðlaunin ekki síðri. Einnig fá allir þátttakendur gjafapoka með glaðningi.
Hvetjum allar hestakonur til þátttöku í þessu skemmtilega móti þar sem góður andi og gleði ríkir og allir eiga að geta fundið vettvang sem þeim hentar. Mótið hefst að morgni og verður lokið fyrir kl. 18.
