Athygli er vakin á því að greiðsluseðlar fyrir félagsgjaldi hestamannafélagsins Spretts hafa verið póstlagðir og koma auk þess fram í heimabanka viðkomandi. Ásamt greiðsluseðli fylgdi meðfylgjandi bréf til frekari skýringar:
Efni: Innheimta félagsgjalda 2013
Við stofnun Hestamannafélagsins Spretts voru félagaskrár Andvara og Gusts sameinaðar, og félagar þeirra skráðir sem stofnfélagar í hinu nýja félagi.
Á aðalfundi Hestamannafélagsins Spretts sem haldinn var 19.02.2013 var samþykkt eftirfarandi tillaga að félagsgjöldum fyrir árið 2013:
„Aðalfundur Hestamannafélagsins Kjóavöllum, haldinn 19. febrúar 2013 í Glaðheimum, samþykkir að félagsgjald fyrir 2013 verði eftirfarandi:
18 ára – 21 árs greiði kr. 4.000
22 ára – 67 ára greiði kr. 8.000
Öryrkjar og aðrir félagsmenn verði gjaldfríir.
Félagsgjöld skulu greidd í fyrir 1. apríl skv. 5.gr. laga félagsins.“
Meðfylgjandi er greiðsluseðill fyrir félagsgjaldi og er athygli vakin á eindaga hans.
Í 5. grein laga félagsins segir: „Félagar, sem ekki greiða félagsgjald fyrir 1. apríl ár hvert, hafa ekki rétt til að taka þátt í keppnum á vegum félagsins né réttindi á fundum þess á yfirstandandi starfsári (sem er hið sama og reikningsár félagsins), fyrr en þeir hafa greitt skuld sína. Að öðrum kosti falla þeir úr félagsskrá 10. apríl ár hvert.“