Fundir um málefni hrossaræktarinnar hófust í síðustu viku fyrir norðan en í kvöld er fundur í Reykjavík – reiðhöllinni í Víðidal og byrjar kl. 20:00. Sveinn Steinarsson formaður Félags hrossabænda og Þorvaldur Kristjánsson hrossaræktarráðunautur verða á ferðinni um landið og kynna það sem er efst á baugi. Helstu málefni sem tekin verða fyrir á fundunum eru m.a. eftirfarandi:
– Þróun ræktunarmarkmiðs í hrossarækt
– Dómskalinn – þróun og betrumbætur
– Nýjir vægistuðlar eiginleikanna
– Málefni Félags hrossabænda
Eins og sjá má verður margt áhugavert tekið til umræðu.
Fundirnir verða haldnir um allt land en þeir verða haldnir á eftirfarandi stöðum:
20. febrúar miðvikudagur Akureyri – Reiðhöllin á Akureyri kl. 20:00.
21. febrúar fimmtudagur Skagafjörður – Tjarnarbær kl. 20:00.
22. febrúar föstudagur Vestur-Húnavatnssýsla – Gauksmýri kl. 20:00.
25. febrúar mánudagur Reykjavík – Reiðhöllin í Víðidal kl. 20:00.
27. febrúar miðvikudagur Borgarnes – félagsheimili Borgfirðings kl. 20:30.
1. mars föstudagur Höfn í Hornafirði – Fornustekkar kl. 20:00.
2. mars laugardagur Austurland – Iðavellir kl. 14:00.
4. mars mánudagur Suðurland – reiðhöllin á Hellu kl. 20:00.
Hvetjum hestamenn og hrossaræktendur til að fjölmenna á fundina og nýta tækifærið til að kynna sér verkefnin og leggja sitt til málanna.
