Framundan eru hestadagar í Reykjavík. Við viljum hvetja alla Sprettara til þess að taka virkan þátt.
Margt verður á dagskrá hestadaga:
Fimmtudagur 3. apríl
Kl.19.00. Sólfarsreið að Hörpunni þar sem Hestadagar í Reykjavík verða settir. Ungmenni frá öllum hestamannafélögum á höfuðborgarsvæðinu verða í þeirri reið með fána félaga sinna. Riðið verður inn í Hörpuna. Aðgangur ókeypis.
Kl. 20:00 sýningin: Er hundur í hestinum þínum? Hilmir Snær og Brother Grass leiða saman hesta sína. Upplifðu íslenska hestinn í sögum, ljóðum og söng. Miðasala á midi.is
Föstudagur 4. apríl
Opið hús í Hestamannafélögunum á höfuðborgarsvæðinu.
Sprettur býður gestum og gangandi í heimsókn klukkan 17:00 til 19:00. Hestasýningar og hestateymingar verða í boði ásamt kjötsúpu og kynningu á starfsemi félagsins.
Laugardagur 5. apríl
Skrúðreið, safnast verður saman við Tanngarð kl. 12 og riðinn sami hringur og síðustu 2 ár. Lagt verður af stað kl. 13 upp Skólavörðuholt, riðið niður Skólavörðustíg, yfir Lækjargötu, Austurstræti, Pósthússtræti, Kirkjustræti og Tjarnargötu að Ráðhúsi, áfram Tjarnargötu, í gegnum Hljómskálagarð, yfir Njarðargötu og aftur að Tanngarði.
Fataþema er lopapeysa eða félagsbúningur.
Þeir Sprettarar sem hafa pláss í hestakerrum sínum eða vantar far fyrir hesta hafi samband við Hermann í netfang he*****@fr*******.is eða síma
Kl. 20:00 – Ístölt þeirra allra sterkustu í Skautahöllinni í Laugardal.
Sunnudagur 6. apríl
Sýningin Æskan & hesturinn í reiðhöllinni í Víðidal kl. 13:00 og 16:00.
