Önnur keppnisgrein vetrarins, Sveiflu slaktaumatölt í Samskipadeildinni, Áhugamannadeild Spretts fór fram í gær.
Það var gaman að sjá hversu mörg lögðu leið sína í Samskipahöllina um kvöldið og myndaðist skemmtileg stemning í stúkunni.
Það var Sveifla sem styrkti þetta slaktaumatölt og kunnum við þeim bestu þakkir fyrir það.
Sveifla er nýtt vörumerki úr Skagafirði sem leggur áherslu á vandaðar og endingargóðar vörur fyrir hest og knapa – allt frá mélum til fatnaðar og reiðtygja. Vörurnar eru þróaðar í beinu samtali við hestamenn, þar sem gömlu góðu gæðin mæta nútímalegri hugsun. Vöruúrvalið má sjá á sveifla.is
Það voru þau Glódís Helgadóttir og Ötull frá Narfastöðum sem leiddu eftir forkeppnina og sýndu þau styrk sinn og héldu forystunni eftir sterk A-úrslit. Einkunnin hvorki meira né minna en 7,29. Þar á eftir komu Gunnar Már Þórðarson og Júpíter frá Votumýri 2 og því næst Hrönn Ásmundsdóttir og Rafn frá Melabergi
Þorgerður Gyða Ásmundsdóttir sigraði B-úrslit eftir dómararöðun á hesti sínum Hnokka frá Áslandi með einkunnina 6,54. Jafnir þeim voru Rúnar Bragason og Andi frá Skálakoti.
Það var lið Fossvéla sem hlaut liðaplattann, annað mótið í röð. Glæsilegt það. Fyrir hönd liðsins kepptu Erla Guðný Gylfadóttir, Gunnar Már Þórðarson og Þórdís Sigurðardóttir.
Sjálfboðaliði kvöldsins var Margrét Kjartansdóttir og gaf Sprettur henni gjafabréf í Lífland. Margrét stóð vaktina í dyragæslu inn í höll til að tryggja að knapar og hestar yrðu ekki fyrir truflun í braut. Svona viðburðir gætu ekki orðið að veruleika án öflugra sjálfboðaliða. Takk öll sem tóku þátt í að gera þetta kvöld að veruleika.
Eftir tvær keppnir eru línur aðeins farnar að skýrast bæði í liða- og einstaklingskeppni. Það er þó nóg af stigum eftir í pottinum.
Svona er staðan eftir tvær greinar:
Við sjáumst aftur föstudaginn 20. mars en þá er keppni í fimmgang í boði Brokk
Höfundur: Selma Rut Gestsdóttir
