Takið fimmtudaginn 22.apríl frá.
Firmakeppni Spretts er ein af mikilvægustu tekjuleiðum félagsins og þó fyrirvarinn sé stuttur þá ætlum við í mótanefnd Spretts ásamt Bödda og félögum að blása til sóknar fyrir félagið okkar og safna saman styrkjum og halda skemmtilegt mót.
Þeir/þær sem vilja styrkja mótið er bent á að hafa samband við Bödda í síma 897-7517 eða Rúnar Frey í síma 8969740
Skráningargjöld á firmakeppni eru engin en keppendum er frjálst að borga smá skráningargjald til styrktar félaginu.
Boðið verður upp á keppni í eftirfarandi flokkum – í þessari röð:
Kl. 14
í reiðhöll:
Pollar – teymdir og þeir sem ríða sjálfir
Pollar (9 ára og yngri) – teymdir
Pollar (9 ára og yngri) – ríða sjálfir
Á hringvellinum.
Börn minna keppnisvön (10-13 ára)
Börn (10-13 ára)
Unglingar – minna keppnisvanir (14-17 ára)
Unglingar – meira keppnisvanir (14-17 ára)
Ungmenni- minna keppnisvön (18-21 árs)
Ungmenni – meira keppnisvön (18-21 árs)
Konur II – minna keppnisvanar
Karlar II – minna keppnisvanir
Heldri menn og konur (60 ára +)
Konur I – meira keppnisvanar
Karlar I – meira keppnisvanir
Opinn flokkur (karlar og konur)
Keppt verður á hringvelli, sýnt hægt tölt og svo yfirferð að eigin vali, tölt, brokk eða skeið.
Skráning fer fram í gegnum skráningarskjal
Firmanefndin áskilur sér rétt til að sameina flokka ef ekki er næg skráning í einhvern flokkanna. Hver knapi má einungis skrá sig í einn keppnisflokk.
Keppnin hefst svo kl. 14 í reiðhöllinni með pollaflokkunum. Að þeim loknum, kl. 14:30 færist keppnin niður á Samskipavöllinn og fer keppni í öllum öðrum flokkum fram þar.
Keppt er um veglega farandbikara, auk verðlaunapeninga fyrir fimm efstu sætin.
Keppendur eru hvattir til að sýna snyrtimennsku og mæta til leiks í sínu fínasta pússi á þessum hátíðardegi, enda verður glæsilegasta par mótsins valið að venju.
Sprettarar eru hvattir til að taka þátt í þessum skemmtilega degi – sjáumst í sumarskapi á fimmtudag!
Firmanefnd
