Firmakeppni Spretts 24.apríl

Firmakeppni Spretts verður haldin fimmtudaginn 24.apríl og verður keppt á hringvellinum, en sú hefð hefur skapast að keppt er til skiptis á hringvellinum og beinu brautinni á milli ára.

Skráning fer fram í anddyri veislusals Spretts milli kl 11-12. Keppnin hefst á teymdum pollum kl 13:00 á hringvellinum.

Biðlum til þeirra sem unnu farandbikara í fyrra að skila þeim sem fyrst.

Þátttaka er ókeypis en keppendum er frjálst að greiða skráningagjald til styrktar félaginu þar sem Firmakeppni Spretts er ein af mikilvægu tekjuleiðum félagsins.

Þau sem vilja styrkja mótið er bent á að hafa samband við Ragnar í síma 620-4500 eða senda póst á sp******@******ur.is.

Keppt er um veglega farandbikara, auk verðlaunapeninga fyrir fimm efstu sætin í hverjum flokki.

Boðið verður upp á keppni í eftirfarandi flokkum – í þessari röð:
Pollar (9 ára og yngri) – teymdir
Pollar (9 ára og yngri) – ríða sjálfir
Börn minna keppnisvön (10-13 ára)
Börn meira keppnisvön (10-13 ára)
Unglingar – minna keppnisvanir (14-17 ára)
Unglingar – meira keppnisvanir (14-17 ára)
Ungmenni- minna keppnisvön (18-21 árs)
Ungmenni – meira keppnisvön (18-21 árs)
Konur II – minna keppnisvanar
Karlar II – minna keppnisvanir
Heldri menn og konur (60 ára +)
Konur I – meira keppnisvanar
Karlar I – meira keppnisvanir
Opinn flokkur (karlar og konur)

Keppt verður á hringvelli, sýnt hægt tölt og svo yfirferð að eigin vali, tölt, brokk eða skeið.
Firmanefndin áskilur sér rétt til að sameina flokka ef ekki er næg skráning í einhvern flokkanna. Hver knapi má einungis skrá sig í einn keppnisflokk.

Keppendur eru hvattir til að sýna snyrtimennsku og mæta til leiks í sínu fínasta pússi á þessum hátíðardegi, enda verður glæsilegasta par mótsins valið að venju.

Sprettarar eru hvattir til að taka þátt í þessum skemmtilega degi – sjáumst í sumarskapi á fimmtudag!