Takið frá fimmtudaginn 20 febrúar og mætið í Samskipahöllina í Spretti því næsta
mót í Equsana deildinni 2020 er fimmgangur.
Fimmgangur er eitt mest spennandi mótið í Equsana mótaröðinni. Þessi grein er eins
og flestir vita mjög krefjandi og hafa knaparnir okkar lagt nótt við dag við
undirbúninginn. Spennan er mikil enda ríður á að klárinn liggi í höllinni.
Í fyrra voru það Guðrún Margrét Valsteinsdóttir og Eskill frá Lindarbæ sem stóðu uppi
sem sigurvegarar.
Veislan byrjar kl. 19:00 og húsið opnar kl. 
17:30. Snillingarnir okkar í eldhúsi Spretts
munu reiða fram dýrindis mat að venju.
Vð hvetjum alla áhugamenn um hestamennsku að taka kvöldið frá, koma í
Sprettshöllina, njóta góðra veitinga og horfa á spennandi keppni.
Aðgangur er frír.
Ráslistar verða birtir á miðvikudag.
