Takið frá fimmtudaginn 21 febrúar og mætið í Sprettshöllina í Kópavoginum því næsta mót í Equsana deildinni 2019 er Gaman ferðir fimmgangurinn.
Fimmgangurinn er eitt mest spennandi mótið í Equsana mótaröðinni. Þessi grein er eins og flestir vita mjög krefjandi og hafa knaparnir okkar lagt nótt við dag við undirbúninginn. Spennan er mikil enda ríður á að klárinn liggi í höllinni.
Veislan byrjar kl. 19:00 og húsið opnar kl. 17:30. Snillingarnir okkar í eldhúsi Spretts munu reiða fram dýrindis mat að venju.
Vð hvetjum alla áhugamenn um hestamennsku að taka kvöldið frá, koma í Sprettshöllina, njóta góðra veitinga og horfa á spennandi keppni.
Aðgangur er frír.
Ráslistar verða birtir á miðvikudag.
