Eins og undanfarin ár býður Hestamannafélagið Sprettur, í samstarfi við Blue Lagoon upp á mótaröð í Samskipahöllinni fyrir knapa í yngri flokkum. Þetta árið verða mótin fjögur, auk fjórgangs, fimmgangs og tölts verður boðið uppá keppni í treck. Keppt verður í einni grein á hverju móti.
Dagsetningar mótanna eru eftirfarandi:
8. febrúar – fjórgangur
22. febrúar – fimmgangur
8. mars – tölt
15. mars – treck
6 efstu knapar eftir forkeppni fara í úrslit en það verða ekki riðin B-úrslit. Vegleg verðlaun verða í öllum flokkum. Knapar í barna-, unglinga- og ungmennaflokki safna stigum í gegnum mótaröðina og
verða veitt verðlaun fyrir stigahæstu knapana í hverjum flokki á síðasta mótinu. Mótið er opið öllum knöpum í yngri flokkum.
Við hvetjum yngri knapana til að taka dagana frá.
-Blue Lagoon nefndin
