Knapafundur verður á viðburðinum á Facebook frá hádegi 21.júlí og þar til mótið hefst. Ef eitthvað brennur á fólki þá er hægt að hafa samband við mótsstjóra og yfirdómara með tölvupósti á motanefnd@sprettarar.is
- Mótsstjóri: Brynja Viðarsdóttir
- Yfirdómari: Svafar Magnússon, íþróttahlutanum
- Yfirdómari: Þórir Örn Grétarsson, gæðingahlutanum
- Vallastjóri: Atli Rúnar Bjarnason
Nokkrir punktar til að hafa í huga:
- Ráslistar eru tilbúnir, hægt að skoða í LH Kappa smáforritinu eða smella. Keppendur eru ábyrgir fyrir því að sínar skráningar séu réttar.
- Hægt er að afskrá þar til einni klst áður en keppni í grein hefst. Þá er ráslisti þeirrar greinar endanlegur.
- Endanleg dagskrá er í LH Kappa smáforritinu.
- Allar afskráningar fara fram í gegnum motanefnd@sprettarar.is
Við viljum benda keppendum á að um helgina verður veislusalur Spretts upptekinn í einkasamkvæmi. Hægt verður að komast á snyrtingu í austur enda Samskipahallarinnar og í bláum gám við söfnunarvöllinn.
Samskipahöllin verður opin til upphitunar, biðjum alla að hreinsa skít upp eftir sig.
Óheimilt er að fara með kerrur niður á mönina/bílastæðið við völlinn.