Síðasta vetrardag, 24.apríl ætlum við að taka höndum saman og fegra umhverfið á svæðinu okkar.
Við ætlum að hefjast handa kl. 17 en verkstjórar verða við eða í kringum báðar reiðhallirnar. Þar verður hægt að nálgast ruslapoka, hrífur, áhöld og upplýsingar ef fólk vill leiðbeiningar hvert skal halda. Þar að auki verður búið að koma fiskikörum fyrir á nokkra staði í hverfinu en staðsetningu þeirra má sjá á meðfylgjandi mynd. Við fiskikörin verða ruslapokar og þar verður líka hægt að losa sig við rusl.
Helstu verkefni eru:
- týna rusl
– í hverfunum
– við reiðhallirnar og vellina
– á rúlluplani og kerruplani
– Andvarahringinn
– reiðleiðina upp að Guðmundarlundi
– reiðleiðina meðfram Boðaþingi og niður að Elliðavatni
– reiðleiðina úr hverfinu í átt að Vífilsstaðavatni
– og alstaðar þar sem við sjáum rusl
- raka reiðvegi og hreinsa þannig burt grjót
- Laga lausa spotta sem verða á vegi okkar
Klukkan 19 verður þátttakendum boðið í grillaðar pylsur og drykki í veislusal Spretts.
Við bendum á að ekki er tekið við rusli úr hesthúsum.
Við bendum jafnframt á að nokkuð áreiti getur verið á reiðvegunum á meðan hreinsun stendur og biðjum við þá sem eru á ferðinni að taka tillit til þess.
Við hvetjum alla Sprettara unga sem aldna að taka þátt í hreinsunardeginum með okkur.
Það er svo miklu skemmtilegra og öruggara að ríða út í hreinu og fallegu umhverfi.