Skip to content

Reiðhallarlyklar og verð

UMGENGNIS- & UMFERÐARREGLUR Í REIÐHÖLLUM SPRETTS

  1. Einungis skuldlausir félagar geta fengið aðgangslykla. Börn yngri en 12 ára skulu vera í fylgd með forráðamanni. Handhafar aðgangslykla er óheimilt að hleypa öðrum inn í höllina.
  2. Knöpum ber að hreinsa upp eftir hesta sína. Knapar skulu sýna kurteisi og tillitssemi og forðast óróa eða hávaða.
  3. Hjálmaskylda er í reiðhöllum Spretts. Við þjálfun hesta í reiðhöllum Spretts eru félagsmenn á eigin ábyrgð.
  4. Farið á bak og af baki inni á miðjum vellinum en ekki á reiðleiðum í útjaðri vallar. 
  5. Hægri umferð gildir þegar knapar mætast úr gagnstæðri átt ef riðinn er sami hraði. Fetgangur skal riðinn á innri sporaslóð þegar aðrir knapar ríða á hraðari gangtegund á ytri sporaslóð.
  6. Ekki má ríða hlið við hlið eða hafa tvo hesta til reiðar þegar aðrir eru í salnum.
  7. Forðast skal að ríða þvert í veg fyrir aðra knapa. Ekki má stöðva hestinn á ystu sporaslóð. 
  8. Knapi sem ríður bauga, á hringnum, eða aðrar reiðleiðir inni á velli veitir þeim forgang sem ríða allan völlinn á sporaslóð. Aðrir skulu forðast að ríða þvert í gegn hjá þeim sem ríður á baug.
  9. Stökkþjálfun/yfirferðareið er óheimil þegar margir eru inni í höllinni í opnum tímum, sérstaklega ef einungis eitt hólf er opið í Samskipahöllinni fyrir félagsmenn til þjálfunar, eða ef margir eru inni í Húsasmiðjuhöllinni sá/sú sem ætlar að þjálfa stökk/yfirferð skal sýna sértakt tillit og skal gæta þess að ríða ekki á aðra hesta og knapa
  10. Reiðkennsla eða þjálfun liða er bönnuð í opnum tímum í reiðhöllum Spretts. Bóka þarf hólf og eða höll fyrirfram hjá [email protected] eða í síma 620-4500
  11. Setji notendur og eða kennarar upp staura og bönd, keilur, brokkspírur eða annan búnað til þjálfunar ber viðkomandi að ganga frá að notkun lokinni.
  12. Virða skal þá tíma sem skráðir eru á dagatöl reiðhallanna.
  13. Ekki má hafa lausa hesta á vellinum meðan á reiðþjálfun stendur né binda hesta þar inni. Hringgerðin eru ekki til þess að geyma hesta í.
  14. Allar reykingar eru bannaðar. Meðferð áfengis og annara vímuefna er bönnuð. Fólki undir áhrifum áfengis eða vímuefna ber að vísa úr húsinu umsvifalaust.
  15. Lausaganga hunda er bönnuð.

    Brot á reglum þessum getur þýtt lokun á reiðhallarlyklum í hallirnar

REIÐHALLARLYKLAR

Til þess að fá lykil eða láta virkja lykil þá er best að senda póst á [email protected] með upplýsingum um nafn, kennitölu og hvaða áskrift/tímalengt verið er að panta. Allir notendur þurfa að vera skráðir fyrir sínum lykli, vera skráðir félagsmenn og skuldlausir við hestamannafélagið Sprett.

Lágmarksáskrift á reiðhallarlykli eru 3 mánuðir.
Almennur reiðhallalykill er opinn virka daga frá klukkan 6:15 -8:30 og frá kl. 12-23:50 um helgar frá 6:15-23:50
Árs reiðhallarlykill verður opinn 6:15-23:50 alla daga.
Ekki er leyfilegt að þeir/þær sem eru saman í hesthúsi noti eingöngu einn lykil nema þegar um er að ræða fjölskyldulykil. Fjölskyldulykill gildir fyrir hjón/pör og börn þeirra undir 18 ára aldri. 

Verð fyrir lykla veturinn 2024-2025
Stofngjald fyrir hvern útgefin reiðhallarlykil er 5.000kr.
Lykill: 3 mánuðir 12.000kr
Lykill: 6 mánuðir 20.000kr
Árslykilll: 12 mánuðir 26.000kr
Fjölskyldulykill af árslykli: 12 mánuðir 40.000kr (aðeins er um að ræða einn lykil)

Bókun á reiðhöllum Spretts 
Bókanir á einkatímum í reiðhöllum Spretts fer fram í gegnum pósthólfið [email protected]

Í boði er að bóka lausa tíma:
Öll Húsasmiðjuhöll
Eitt hólf í Samskipahöll
Alla Samskipahöllina virka daga milli kl.6-9 á morgnanna og milli kl.22-00 á kvöldin
Alla Samskipahöllina um helgar milli kl.6-9 á morgnanna og kl.20-00 á kvöldin

Hægt er að bóka í lágmark klukkustund alla Samskipahölllin en Húsasmiðjuhöll og hólf í Samskipahöll í hálftíma. 

Ein klukkustund í einu hólfi í Samskipahöllinni kostar 8.000 kr.
Ein klukkustund í allri Húsasmiðjuhöllinni kostar 10.000 kr.
Ein klukkustund í allri Samskipahöllinni kostar 30.000 kr

Ofangreind verð eiga einungis við fyrir hestatengda viðburði. Ef fólk ætlar að fá til sín kennara í einkatíma verður fólk að leigja sér pláss óheimilt er að vera með reiðkennara með sér á opnum almennum tíma reiðhallanna.